زمانْ


زمانْ كــانْ بـنادمْ قـلبُ صافِـي

إلى عــْطاكْ وعـدْ ..وعـْد ُكافـي

يـمشي فـالْخيـرْ.. أُرجْـلُ حـافـِي

تلـْقى لسانُ حْـلوُ.. وقلبُ دافِــي

مايْخونْ عهــدْ ما يْغـلّ ْعـْوافِـي

زمان الصّـْفَا ،هوزمانْ اسْلافي



كان الغِيمْ مدْرارْ عـَمـّرْ سْواقـي

شيـّطْ الخيْرأزادْ فوﱠجْ اعْـماقــي

وْلـّّيتْ نحْـلَه نطيرْ نبلـّغْ شْواقـي

أ ُبصحّتي ظليتْ نتسوﱠقْ سْواقي

نزورْ الحـبابْ ونوْصلْ رْفـــاقـي

بقـيتْ محبوبْ ما يـبْغـيوْا فراقي



دَبَ تبدﱠلْ الحالْ أ ُفـْـترْ حْما سي

هادْ الغلا والنـْفاقْ طـيّرْ نـْعـاسـي

أللحمْ الشـّارفْ هَـرﱠسْ ضْراسـي

السّرقه والـكـْذوبْ ذوّبْ نـْحاسي

لـْرَاعي العــْبـادْ دْقــّيتْ جـْراسـي

الحقـْرَه والضّـيـمْ فيـّضْ كــاسـي



راه ْالحْـكامْ اليــُومْ حـْكـام ْمـْراتـي

الفرّانْ ديمَ سْخون بَشـْوارْ حْماتي

نسلّـكْ مخوافْ من لـْجام ْ"بْراتي "

مَجْـليني مصْروفْ أ ُمْنينْ كْراتي؟

تـْهـَدّو الكتافْ أتهرّسَتْ عـْصاتـي

البطاله ..والجفاف ْ، ملـّيتْ حْياتي


التجاني / بومية

Merci pour ces beaux mots et malheureusement c'est la vérité

شكرا على المرور الطيب
تحياتي

شكرا أخاي بن احمد على هاد سطورة لحنان
كلام معقول, عندو معاني, هادف أو مزيان
يقراه بنادم يفهمو يعيه أو يحس بيه
معنى و مغزى كان أو مازال يكون فيه
كانشوفك من الناس لي ماعاجبهوم لحال أو ما فيه ما يعجب نيت
زماني زمان ولى فيه لغدر أو لحسد علاين عنوان على كل بيت
دوماج أخاي بن احمد على زمان ولى فيه بنادم تابع الدرهم
شتي أش أدير ؟ دربلك شي دورة فهاكوارا أو نسا عليك الهم

voila je t'ai répondu par le même style , merci pour ces lignes

Merci benhmed , c'est bien dit

tbarkellah 3lik =) tres bien dit!
younes...rak ma sahelch m3a rassek 7ta nta :p...

tres jolies mots, j ai bien aime, ach kayejik el3arbi batma ???

شكرا أخي ادمين ..كدت تكتب قصيدة زجلية معتبرة وانت تعلق

شكرا بروكسي على المرور الطيب وعلى التشجيع

شكرا جزيلا للأخت سريت على التشجيع
واخيرا اشكر ميتالماك واقول له انها المعاني والخواطر التي تجري على الالسنن
ليس إلا