ما كفاكم الكسدة ب لجروح
زيدتو الگلب للوزيعة
ب الرفاگة الروح . .
ب حق النطق . .
ب حكمة لَمْيَازْنْ نْكَافْحْ . .
ونكتب نطقي عل اللوح
ذا السر الغامق ليكم فرزته
والكنز المخفي ليكم فْتَحْتًُه
وب ليام لاغيت :
ما كفات فيكم كلمة . . .
ولا غمزة من عين الحال
* * * *
ليام تلاغــــي حِيَّانـِــــي وزاد الهـــــم حِيَّانـِــــي
لمطار لغزيرة بكــــايـــا ف لحجر منقوش كلامي
تايه ف دروب غيواني يا ناس
تلاغي صبيان عرايـــــا عليهــــم ثقـــل لحــديـــد
تلاغي لفلاحة بلا صابة والصبر يداوي يا نـاس
** * *
ندمني غير المسجون بلا عـــذر كفَر لغدر قاومه ب لقســــــاوة
ف الدنيا تاگو شطاين لعمــــــــر الواعي گلبه ما سمع وطــــــاع
تبع هوى الفانية وخدايع لحصر بلسانـه طمـاع جـاري لعـــداوة
* * * *
هــا هــو ليــك مــا بقـات إفـادة
هــا هــو ليــك الجهــــل تمـادي
هــا هــو ليــك الســرقة عــادة
هــا هــو ليــك منيــــن جـــــاك
هــا هــو ليــك طــــاح الــــــذل
هــا هــو ليــك الغنــي فرحـــان
هــا هــو ليــك معري قومــــان
هــا هــو ليــك آه يـــــا ليـــــام

يحسن عوني ملي نســاب شوقـــي ولهــــان ألالــــة
عودك سباق ف ذا الزمان سيفــــــك بتـــــار ألالــــة
سوايعك توصل مزروبـــة مــــا غرضنــــا تــتــلــــى
أنت وحدك وحنا قـــــــوام مسكـــونــيـــن بــالعــلـــة
ما يفيد طالب ولا طبيــــب ملــــي توصلـــي عوالـــة
تفرقي الخليل ب خـلـيـلــه وتهدمي العشرة وتسالـي
بنـــــادم كلــــــه حصــــاد ب فـــدادنـــه رحــالـــــــة
غني ومسكين بلا حسـاب ف حــــــــر الســـؤالـــــة
تگاديهـم تحــت التــــراب حفــــرة وكفـــــن ألالــــة
لقبـر والظــلام المهيـــاب والــنــفـــس الــگــوالـــة
هـــــا أنـــــت گـــول لــــه گول له يا خونـــا ف االله
مــات الغنــي يــا حبابـــي طلبــة وعـــوام تـابـعـــاه
شـي يقـرا عـنـد راســـــه شي شاد السبحة حــــداه
تبعــولگنــازة يهـلـلـــــوا وريــح الـوارث شــــاداه
لاغـاو لقســام بالجملــــة كلهــــا يلغــــي ب لغـــاه
خلــى الديــور والــدواور خلـــى ليشاشـــرة معــاه
خلــى لخيــول العـاتـقــــة ديـــك السربــات عارفاه
مدى من زين الدنيـــــــــا ذهــب وفضـة صابغـــاه
كان بايت ف التجـــــــارة وظــن المــوت ناسيـــاه
حيـــانــــي راه ســگـــد طلبـــة وعـــوام تابعــاه
كــلـهـا يگــول حبـيـبــــي وريح النفاق سابقــــــاه
راس مالــه غيــر خرقــة حفرة . . وشبر ما سواه
هـــــا أنـــــت گـــول لــــه گول له يا خونــا ف الله
مات المسكين يا حبابــــي حتى واحد ما مشا معاه
قـرا طـالـب عـنـد راســـه بـــزز عليـــه مــا قــراه
خلـــى المـيـمــــة عميــــا علــى خيالــه حاضيـــاه
عندها مقراج ذا النعيـــرة غـيــر الضرگـة ســـاداه
عندها بـــــــراد النونـــــة وكيف الصرة صـــاراه
عندها فــروج ل نحيــــرة غــيـر القـنـب قــجـــــاه
عندها مرســم بالدعيـــرة وديك الگطرة مسردان
كـــان مفــرش الحصيـرة واليــــوم هــي غطـــاه
لاغـى الهموم بالجـمـلـــة والغــنـي ساكـن حــداه
خويـا وظــلام القــــبـــــر مـــع لميســر ســــاواه

الصِّينِيَّة

فين اللّي يْجْمًُْعُو عْلِيكْ اهَلْ النِيَّة
آه يا الصينية . . .
دُوكْ اللّي يَونْسُوكْ . . .
فِينْ اهْلْ الجُودْ وَالرْضَى . .
فَِينْ حْيَاتِي . . . فِينْ حُومْتِي وُاللِّي لِيَّا
آْه يَا الصِّينِيَّة . . .

وَاعْرْ بْلاَهْ مَا سَاهْلْ حْبْ الكَاسْ
آهْ يَا غْيَّاتْ مَا نْسَاكْ الخَاطْرْ
وَاعْرْ بْلاَهْ مَا سَاهْلْ عَشْقْ النَّاسْ
آه يَا غْيَّاتْ حْرَامْ يِنْسَاكْ الخَاطْرْ
وَاعْرْ بْلاَهْ . . . جَايْنِي بْغْرَامُه . . .
وَالْعَنْبَر إِلَى يْجِي كُدَّامًُه . . .
وُالنْعْنَاعْ . . . وًُالشِّيبَة . . .
آهْ يَا الصِّينِيَّة . . .

أَيَا نْدَامْتِي وَيَانْدَامْتِي
وُمَالْ كَاسِي حْزِين مَا بِين الْكِيسَانْ ؟
أَيَا نْدَامْتِي وَيَانْدَامْتَِي
وْمَالْ كَاسِي تَايْهْ تَايْنِينْ زَادْ قُوَّا عْلِيَّا ْلحْزَانْ ؟
مَالْ كَاسِي بَاكِي وَحْدُه
مَالْ كَاسِي نَادْبْ حَظـُّه
مَالْ كَاسِي يَا وَعْدُه هَذَا نَكْدُه . . . غَابْ سَعْدُه . . . ؟
آْه يَا الصِّينِيَّة . . .
أَيَا نْدَامْتِي وْلِيعَة بْرَّادِي فِينْ غَادِي يْتْشْحَّرْ ؟
أَيَا نْدَامْتِي وُحِيرَةْ بْرَادِي جَايْبِينْ جُوجْ مْجَامْرْ
مْجْمْرْ عَامَرْ بِالْفَاخْرْ
وُمْجْمْرْ بِاللّْظَى الْهَاجْرْ َفَاخْرْ صَارْ رْمَادُه
لْقْلْبِي الْمْحْرُوقْ بْ لْبْعَادْ . . . آشْنُه ذَنْبْ الْبْرَّادْ
آهْ يَا الصِّينِيَّة . . .

أَيَا نْدَامْتِي وُمَالْ سُكْرِي عَاجْزْ يْزُولْ هَادْ لَمْرُورَة ؟
أَيَا نْدَامْتِي وُمَالْ نَعْنَاعِي عَاجْزْ يِطْلْقْ لْخْضُورَة
مَالْ كُلّْ حَاجَة مَعْكُورَة . . . ؟
مَالْ دَاتِي هَكْذَا مَهْجُورَة . . . مَنْكُورَة مَقْهُورَة ؟
آهْ يَا الصِّينِيَّة . . .

يَاللِّي مَا شْفْتُونِي رَحْمُوا عْلِيَّــــــــــا وَأَ نَا رَانِي مْشِيتْ وُالْهُولْ دَّانِــــــي
وَاْلدِيَا وُاحْبَابِي مَا اسْخَاوْ بِيَّـــــــــــا بَحْرْ اْلغِيوَانْ مَا دْخَلْتُه بَلْعَانِـــــــــي

تَانْعْيّْطْ لَْلشِيخِي مَا تْضِِيقْ بِيَّا
أَنَا يَا مِيلاَفِي فِينْ نْبْغِي نْجِيكْ
وَإِلَى جِيتَكْ عْزِّينِي
يِجْعْلْ ذَنْبْ الدَّنْيَا عْلِيكْ انْتَ اللِّي فَارْقْتِيِنِي
وَتَانْعَيّْطْ للْشِيخِي مَا تْضِيقْ بِيَّا
غَرَضْ الله بُوعْلاَمْ الْجِّيلاَلِي

وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

فِينْ الْبْنَاتْ تْجِيكْ لَابْسَة وُالْبُوكِيَّة
فِينْ لَكْسَابْ تْجِيكْ رَايْحَة وْقْتْ عْشِيَّة
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

وَالْدَّنْيَا مَثَّلَتْهَا لْبُوسْ الْعَارْيَة
طَاعْ الزِّينْ لْحَادَّة وُخِّيتْهَا وَرْدِيَّة
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

وَالْدِيَّا نَتْرْجَّاكُمْ لاَ تْلُومُونِي فَ الْكِيَّة
وَالْدِيَّا نَتَرَجَّاكُمْ لاَ تْلُومُونِي فَ اْلبَلْيَة
بْلِيتْنِي أَنَا . . . كِيْتِي أَنَا . . . أنْكَبَْتِي أَنَا بَكَّاتْ عَدْيَانِي
وَالْدِيَّا وَاحْبَابِي مَا سْخَاوْ بِيَّـــــــــــا بَحْرَ الْغِيوَانْ مَا دْخْلْتُ بَلْعَاني
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

تَـبْـنِــي وُتْـخـَلـِّــي تـمـشــي وتـخـلـــــي
عـقـلـك مـْـدْنـِّــــي يـا خـايــب الـهــَالَــة
تـبـنـي الـحـيـطـان تـشــرب الـكـيســـان
تـسـكـن فْ الفيـلا وغـيـرك فْ نْــوَالَـــة
تـحـگـر الـفـقـيـــر وتگول الـتـَّغْـيـِيــــــرْ
وُأنــتَ شْـفِـيـفِـيــرْ مَا تْسْوَاشْ نْـعَــالَــة
تـْـــزْوَّرْ لـْــــوْرَاقْ وُتْشْهْــدْ بالـنـفـــــاق
تــــســــــئ الأداب وتـتـكـلـم ب جهـالـة
أصـلــك بـخـيـــــل وشــانــــك نْـعـِـيــــلْ
عـَــيْشَـكْ قْــلِـيـــلْ يَا عْصِـيدْ النخـالــــة
مــالــك آوا مـالـك آش طرى وجرى لك
ظنيتي راسك خالد وانـــت لــلــزوالـــة
مــادامـت لْ عـَــادْ ولا ورثــهــا شـَـدَّادْ
أخـــرها لــقــبــــر وُحـَـــرّْ السُّــوَّالّــــة

القـلـب مسول عـلـيــك أيَــا رَّايْــحْ بْــــلاَ وْدَاعْ
مخلـي اهـلـك ومالـيـك تطرح سـؤال وُشـًَّــاعْ
لفيـن يا غـادي قصـدك طريــق كـلــه غــــداع
ظـــلام حـايــط بـيــــك و النـور كـلـه ســبــاع
خلـيـك معـانـا خـلـيــك يـا حـوض النعـنـــــاع
كلنا محتـاجـيـن لـيـــك ف قلبنا حـبـك صـراع
محال نعيشو بلا بـيــك محال حـبــك يـتـبـــاع
ارجـع نـغـمــو فـيــــك ريح الراحة و تـســاع
أنت إيـمـانـا ف الحـب أوراقنا مسقية بعينيك
أنت بـيـتـنا ف القلـــب ساكنو يغـيـر عـلـيـــك
يا حب ظريف ومؤدب لا سومة لينا بلا بيــك
شكون يفرشنا بالقـرب شكون غيرنا يغطيــك
يـا رايـح والـليــل راح والما عل الوطان راح
كــون طـايــر صـــداح بالأمـــل لـكــل ربـــاع
الغربة شـانـهـا طـــاح خليك يا حوض النعناع

يا كلام الغيوان
يا جدوة قنديل
تصارع جيوش الليل
بالماية و الميزان
يخشاها الريح العاتي
ترسم طريق الآتي
مرشوش بورد و ريحان
يا مهماز الحق البتار
تحرك الجرح المنسي
و تخليه يطلب الثار
تعري الهم المكسي
والحزن المخبي باستار
يا كلام الغيوان
حروفك مشاهب نيران
ترجم كل ظالم جبار
تزرع الشوك جفونه
ترجع للفرح لونه
تنسف الأسوار
يا كلام الغيوان
جيتي قبل الأوان
تبشر تندر بالبيان
توري المريرة المرسومة
تواسي النفوس المهمومة
بلون الأمل تصبغ البيوت
مرة بالهمس مرة بصياح
يا رفيق الصباح
يا مفجر المكبوت
يا كلام الغيوان

مهمومـــــة يـــا خيــي مهمــــومـــة
مهمومـــــة هـاذ الـدنـيـا مهمــــومـــة
فيهــا النفــوس ولات مضيـــومــــــــة
ولـــــى بنــــادم عبــــاد الــلُّومـَــــــــة
المسكين ف همومه ساير يْلاَلــِـــــــي
عايــم ف لفقايــص عومـة محمومـــة
شـــي مفتــون بمالــه سايــر يلالـــــي
لايـــح الرّْزَانْ ف قهــــاوي محرومــة
هايــــم ب لقصايـــر وليـــلات تلالـــي
الخرفان مدبوحة والبنات مغرومــــــة
لا حرمـــة بقــــات لا ديــن لاعبـــــادة
خرجت الشهادة من گلوب معلومــــــة
كيســـــان مكبوبـــة والخمر الغالـــــي
حَيَّانـِــي آش دَّانــَا لفعايـــل مذمومـــة
عمرو لحباسات ب طفال مهمومــــــة
ماتــو الرجـــال ب رسايل ملغـــومـــة
عمرو لسواق ب ردايــــل الفـَــــانِـــي
تبنات لبيوت ب فحايش مسمومـــــــة
نْوّْح ْيا غراب هاد العالم مســـالـــــــي
من زمان گالو مات والنوايح مقيومـة
لا شورى بقات كل افواه مزمومـــــــة
خويا ويد الطاغي عل لوجاه مرسومة

الله يا مولانا
الله يــــــا مولانـــــا حالي ما يخفاك يا الواحد ربــــي
سبحان الحي الباقي سبحانك يا إله جود اعلـــــــــــي
بك عمرت السواقي ونحلتي في نواورك مرعيـــــــة
ولا تجعاني شاقـــي حرمة ودخيل ليك بالصوفيـــــــة
النبي يا جيرانـــــي لو صبت الزاد من غدا نمشي له
نشاهد نور عيانــي ونطوف بالكعبة نزورها ونلبــي
يــــا زوار النبـــــي لله ديونـــــي نـــــزور معاكـــــــم
آمــــولاي محمــــد آداوينا يـــا بو عمامــة خضـــرة
الناس زارت محمـــــــــد وانــــا سكـــن لـــي فـــي گلبـــي
الله الله الله
الناس زارتوا بالمركوب وأنـــا نمشـــي له على رجلـــــي
الله الله الله
جيــت زايــــــر ومعبــــد ألسيــــــد الرســــــول العربـــــي
الله الله الله
سال الملايك سال الروح ســـــــال حمـــــــــال العـــــرش
الله الله الله
ســـال حفاظــة اللــــوح قلبـــــي مولــــــع بالقرشــــــي
الله الله الله
من لايمني ف هاذ الحالة أنبيــــع لــــه يشــــري منـــــي
الله الله الله